श्यामकुमार का गजल

श्यामकुमार क्षेत्री (मुस्कान)

मन्दिरमा दियो बालेर  गल्ती गरेछु ।
स्वार्थीलाई सिन्दुर हालेर गल्ती गरेछु ।

पशु पालेको भए फाईदै हुन्थ्यो होला,
यहाँ मान्छेलाई  पालेर  गल्ती गरेछु ।

फाटेकै लुगा लाएर भए पनि खुसी थिएँ,
त्यहीँ लुगालाई यहाँ टालेर गल्ती गरेछु ।

च्यात्तिएको थियो मन समाल्न जानिनँ मैले,
राख्नु थियो सजाई फालेर गल्ती गरेछु ।

कयौँ भन्नु थियोे कुरा उनैलाई भनिनँ,
पीडा लुकाई मनभित्र गालेर गल्ती गरेछु ।

– नौबहिनी गा,पा ८ बल्लेखोला  प्यूठान
हाल भारत