जीतपुरसिमरामा आजदेखि आधारभूत तहको परीक्षा, मेयर पौडेलले दिए शुभकामना !

बारा–बाराको जीतपुरसिमरा उपमहानगरपालिकामा आजदेखी आधारभूत शिक्षा कक्षा ८ सम्मको परीक्षा सुरु हुदैँछ ।

परीक्षा सञ्चालन तथा व्यवस्थापन कार्यविधि,२०७९ को अधिनमा रही आधारभूत तह (कक्षा ८) को परिक्षा सञ्चालन हुन लागेको हो ।

मेयरले दिए शुभकामना

परीक्षा दिन गरिरहेका सम्पूर्ण विद्यार्थी भाईबहिनीहरुलाई मेयर राजन पौडेलले परीक्षालको सफलताको शुभकामना दिएका छन् ।

शुभकामना सन्देशमा भनेका छन्–परीक्षा तपाईंलाई आफ्नो ज्ञान निरन्तरता, कडा परिश्रम, लगनशीलता, धैर्यता, अनुशासन र संरक्षणको समेत परीक्षण गर्ने मौका दिन पर्खिरहेको छ । केवल आफैमा विश्वास गर्नुहोस् । जब सम्म तपाईं आफ्नो सबै भन्दा राम्रो गर्नुहुन्छ, तपाईंलाई चिन्ता गर्नको लागि केहि छैन । मलाई विश्वास छ मेरा भाईबहिनी तपाईहरु परीक्षा हलबाट विजयी भएर आउनुहुनेछ ।

मेयर पौडेलले कुनै पनि परीक्षाको लागि सबैभन्दा महत्वपूर्ण कुरा शान्त रहनु रहेको बताएका छन् । ‘प्रश्न जतिसुकै कठिन किन नहोस्, चिन्ता नगर्नुहोस् । तपाईंले कडा अध्ययन गर्नुभएको छ र तपाईं हरेक प्रश्नको जवाफ दिन सक्नुहुन्छ । तपाईंको जीवनको सबैभन्दा महत्वपूर्ण समय यहाँ छ ।’ मेयर पौडेलले जारी गरेको सन्देशमा आफ्नो पूर्ण क्षमताका साथ ध्यान केन्द्रित गर्नुहोस् र परीक्षालाई तपाईले मान्नु भएको छ । म पक्का छु कि तपाईंले हामीलाई गर्व गर्नुहुनेछ भन्ने उल्लेख छ ।

आगामी शैक्षिक सत्रमा यस उपमहानगरपालिकाले निर्माण गरेको स्थानीय पाठ्यक्रम अनुसारको स्थानीय विषयवस्तुमा रहेर विद्यालयहरुमा पठनपाठन गराउने मेयर पौडेलले प्रतिवद्धता समेत व्यक्त गर्दै आजबाट सञ्चालन हुन गईरहेको आधारभूत परीक्षा सव्य, निष्ठा, ईमानदारी र अनुशासित भई दिनुहुन हार्दिक शुभकामना ब्यक्त गरेका हुन् ।

६३ विद्यालयका परीक्षार्थी सहभागि हुने परीक्षाका लागि १२ वटा केन्द्र तोकिएको छ । चैत्र ९ गतेसम्म सञ्चालन हुने परीक्षामा दुई हजार दुई सय ९३ विद्यार्थी सहभागि हुदैँछ ।