बलात्कारकाे आरोपमा पक्राउ परेका एमाले सांसदमाथि अनुसन्धान गर्न ५ दिनको म्याद थप
२५ लाखको चेक रकम दिन भनेर होटलमा बोलाएर राखेर जबरजस्ती करणी गरेको आरोप
वि.सं.२०७८ फागुन १८ बुधवार १५:२८
1.91K
shares
रुपन्देही । जबर्जस्ती करणीको आरोपमा नेपालगञ्ज विमानस्थलबाट पक्राउ परेका नेकपा एमालेका सांसद मोहन बानियामाथि अनुसन्धान गर्न पाँच दिनको म्याद थप भएको छ ।
जिल्ला प्रहरी कार्यालय बाँकेले संसद बानियाँलाई बुधबार पाँच दिनको म्याद थप गरि अनुसन्धान अगाडि बताइएको जनाएको छ ।
माघ २७ गते जिल्ला प्रहरी बाँकेमा बानियाविरुद्ध जबरजस्ती करणी गरेको भन्दै उजुरी परेसँगै प्रहरीको सूचीमा बेपत्ता रहेका थिए ।
५ दिनअघि प्रहरीले बानियाँलाई नेपालगञ्ज विमानस्थलबाट नियन्त्रणमा लिएको थियो ।
सांसद बानियाले नेपालगञ्जको होटलमा जबर्जस्ती करणी गरेको भन्दै ४० वर्षीया महिलाले गत २७ माघमा जिल्ला प्रहरी कार्यालयमा उजुरी दिएकी थिइन् ।
त्यसपछि सांसद बानियाविरुद्ध पक्राउ पुर्जी जारी भई प्रहरीले खोजी गरेकै बेलामा उनी काठमाडौंबाट नेपालगञ्ज आएलगत्तै प्रहरीले नियन्त्रणमा लिएको थियो ।
पीडित महिलाले सांसद बानियाले दिनुपर्ने २५ लाखको चेक रकम दिन भनेर होटलमा बोलाएर राखेर जबरजस्ती करणी गरेको आरोप लगाएकी छन् ।
सांसद बानियाले भने आफूलाई फसाउन फरक राजनीतिक समूहले गलत आरोप लगाएको बताउँदै आएका छन् ।
बलात्कारकाे आरोप लागेका एमाले सांसद बानियाँ पक्राउ
वि.सं.२०७८ फागुन १८ बुधवार १५:२८
