नवनियुक्त सचिवद्वय पाण्डे र अर्यालद्वारा शपथ र पदभार ग्रहण

काठमाडौं । संघीय संसद्अन्तर्गत प्रतिनिधिसभा र राष्ट्रियसभाका नवनियुक्त दुई सचिवले आज पद तथा गोपनीयताको शपथ र पदभार ग्रहण गरेका छन् ।

सिंहदरवारस्थित संघीय संसद् सचिवालयमा आज प्रतिनिधिसभाको सचिवमा नियुक्त पदमप्रसाद पाण्डेले सभामुख देवराज घिमिरेसमक्ष पद तथा गोपनीयताको शपथ लिएका थिए भने राष्ट्रियसभाको सचिवमा नियुक्त डा. सुरेन्द्र अर्यालले राष्ट्रियसभाका अध्यक्ष गणेशप्रसाद तिमिल्सिनासमक्ष शपथ ग्रहण गरेका हुन् । शपथ लिएपछि उनीहरुले आ–आफ्नो कार्यकक्षमा पुगेर पदभार ग्रहण गरेका छन् ।