मधेश प्रदेशसभा : नयाँ बजेटको लागि बैठक बस्दै
वि.सं.२०७९ जेठ १९ बिहीवार ०८:३०
1.63K
shares
जनकपुरधाम । मधेश प्रदेशको प्रदेशसभा बैठक आज बस्ने भएको छ । प्रदेशसभा बैठक ले ५१ दिनपछि आज दिउँसो १ बजे बैठक आह्वान गरेको छ ।
प्रदेशसभा सचिवालयका सचिव रञ्जित यादवले आठौं अधिवेशन अन्त्य भई आजदेखि बजेट अधिवेशन सुरु हुने जानकारी दिए ।
उनका अनुसार ९ औं अधिवेशनको पहिलो बैठकमा तीनवटा कार्य सूची राखिएको छ ।
सभामुख सरोजकुमार यादवले बजेट अधिवेशन सुरु भएको पत्र पढेर सुनाउने, नीति तथा कार्यक्रमको समय तालिकाबारे जानकारी गराउने र अन्तिममा एउटा शोक प्रस्ताव गर्ने कार्य सूची राखिएको छ ।
मधेस प्रदेशका पूर्व मन्त्री डिम्पल कुमारी झाको शोक प्रस्ताव गरिनेछ । वैशाख ११ गते क्यान्सरबाट उनको निधन भएको थियो ।
यही २१ गते सरकारले नीति तथा कार्यक्रम ल्याउने तयारी गरेको छ । सरकारले यसवर्ष चुनावलक्षित नीति तथा कार्यक्रम ल्याउने बुझिएको छ ।
वि.सं.२०७९ जेठ १९ बिहीवार ०८:३०
